'Ta importante pa hende deskubrí den su mes e potenshal di por ta un lidér', esaki segun pastor Josephine Bakhuis-Trinidad. E lo enfoká riba e tema akí durante un konferensha internashonal na Hulanda titulá 'Habri Bentana di Shelu', organisá pa Iglesia Maranatha. Bakhuis-Trinidad ta miembro di un dje iglesianan evangéliko ku ta ganando mas i mas tereno na Kòrsou.
Awendia pastornan di iglesianan evangéliko tambe ta forma parti di Konseho di Iglesia na Kòrsou. Pa Bakhuis-Trinidad no ta hasi diferensha ta na ki iglesia un hende ta pertenesé. Loke ta konta ta e relashon ku kada hende ta mantené ku e ser supremo. Na opinion di Bakhuis-Trinidad pa basta tempu generashonnan a lanta na Kòrsou ku e idea ku religion katóliko ta esun bèrdadero.
Pero kosnan a kambia i awendia tin sigur 25 iglesia riba e isla. E kantidat di iglesia no mester ta un problema. E pastor ta kontentu ku tur e iglesianan akí ta purba di mantené union.
Email this Article
Printer-friendly version
Post new comment