Finansa di Danzarte
Na Danzarte tin mas o ménos 60 mucha di Kòrsou ta train, di tur gremio di pueblo. Nan ta train dia aden dia afó i na un nivel internashonal hopi haltu. Plaka pa eksistensha di e skol ta sali for di dunamentu di show i un kontribushon boluntario di mayornan di 60 florin pa luna.
E skol ke bini na remarke pa un supsidio di deporte di gobièrnu, pero te awó esaki no a logra. E hür relativamente abou di 1200 florin pa luna pa e edifisio di skol na Smithplein ta ‘sali e organisashon masha di bon’.
E muchanan di e skol akrobátiko Danzarte i fundashon Danzarte por lo pronto no tin nodi di bandoná nan espasio di train na Otrobanda. Gobièrnu a para renobashon di Sint Martinus College.
Siman pasá ainda e akrobatnan hóben mes ora mester a sali pa traha lugá pa entre otro Kranshi.
Pakiko a para e renobashon ta un misterio pa Danzarte. “Nan ta bisa ku ta un mal komprondementu”, segun presidente di direktiva Corinne Leysner. “Mal komprondemento òf nò, nos ta kontentu, pasobra awó nos tin poko mas tempu pa investigá un ke otro.”
Sorpresá
Djasabra 5 di mei direktor di sektor Sherwin Tielman di Asuntunan Públiko a presentá na e skol na Smithplein. Segun deklarashon di Willy Bareto ku na e momentu ei tabata train e muchanan, tabata manera Tielman no tabata na altura niun ora so di e echo ku Danzarte ta e hürdó legal di e edifisio. “Nos presensia a sorpres’é i el a bisa ku nos mester sali for di e edifisio mes ora.”
Segun Leysner e mensahe aki a kai manera un kañonaso seka direktiva, e trainernan i e muchanan. “Nos tin mas ku un aña ta hür e edifisio ku un kontrakt indefinitivo. Ni Fundashon Sint Thomas – ku ta manehá e edifisio – ni gobièrnu mes nunka no a laga nos sa ofishalmente ku tin otro plan pa e edifisio.”
Kumpra òf hür
Mes ora despues di e konfrontashon Leysner a deliberá ku presidente di direktiva di Fundashon Sint Thomas i asina a haña sa ku en berdat algun tempu pasá gobièrnu a aserká e fundashon pa deliberá un eventual kumpramentu di e edifisio. “Ainda nan no a yega na un akuerdo”, segun Leysner.
“E fundashon ke bende e edifisio pa asina haña plaka pa drecha otro edifisio. Gobièrnu tabata preferá hür-kumpra. Ta p’esei ainda no a firma un akuerdo. Fundashon Sint Thomas tabata sorpresá ora ku gobièrnu a divulgá nan plannan pa e edifisio den media.
Abogado
Ounke a para e renobashon, direktiva di Danzarte mes tambe ta tuma akshon awó. “Nos tambe tin derecho i esaki ke men ku nos lo keda para riba nos punto i lo bai investigá e kaso profundamente. Si esaki ke men ku nos mester bai kana kaminda di hustisia nos lo hasi esaki i tuma un abogado”, Leysner ta bisa.
Tielman i e minister responsabel no tabata alkansabel pa komentario. E bosero di Ministerio di Planifikashon, Maneho i Servisio tampoko no ta duna komentario sin pèrmit di minister.
Email this Article
Printer-friendly version
Post new comment