Hulanda ta den gara di misterio di morto di Milly Boele, un tiner di 12 aña di edat ku a bin haña morto den kurá di un bisiña di dje na Dordrecht. Ta resultá ku e bisiña t'un polis di kuerpo Rotterdam-Rijnmond. Riba insistensha di su amiga, e polis a denunsiá su mes komo asesino di Milly. Komunidat a keda di shòk, much'i skolnan no ke subi kaya nan so, pero será den kas nan no ta sinti nan mes seif tampoko.

Kònshèrzje Richard Rifaela ta traha na Stedelijk Dalton Museum na Dordrecht, e skol kaminda defuntu Milly Boele tabata alumno. E ta konta ku e skol a keda di shòk. "Kon por ta? Anto un polis!"

Konfiansa
Rifaela ta kontemplá kon hende ta siña nan yu no habri porta pa hende straño. Pero esaki tabatá un bisiña konosí, anto polis pa kolmo, segun Rifaela. E ta puntra su mes ta kiko lo pasa ku konfiansa den hende si e sorto di kosnan aki sosodé, pasó si un'por konfia ni polis na bo porta,..' ta unda ta bai...?'

Richard Rifaela den kòmbersashon ku Sharon Cicilia