Dutch Antillean Express ta spera di por bai bula despues di verano pa Sürnam komo e di dos kompania aéreo. Den un akuerdo a keda palabrá ku tantu Sürnam komo Antia lo por hasi uzo di dos kompania riba e ruta.
For di 2007 e konekshon Antia Sürnam tabata reservá pa Insel Air i SLM, kompania sürnam di aviashon; un kompania pa kada pais. For di e tempu ei DAE kier a bula riba e ruta akí, pero esei no tabata posibel a base di e tratado di aviashon. Awor ku a adaptá e tratado, sí tin espasio pa DAE. Direktor general Floris van Pallandt ta mira ku merkado ta drechando i tin bastante estímulo, esei ta pone ku e ta wak oportunidat.
No ta sigur ku lo por bula bai Sürnam kaba den temporada di high season. ‘Vakansi di otoño ta un momento bunita. E kantidat ideal di buelo pa Sürnam ta tres.’ Van Pallandt ta spera di porofresé buelonan di den dia, kaminda lo por bula na oranan ku ta kumbiní.
A palabrá den e akuerdo tambe ku en adelante lo por bula ocho biaha pa siman entre e dos destinashonnan. Anteriormente esei tabata no mas ku dos biaha pa siman. Tambe lo ta pèrmití pa transportá mas karga. E akuerdo ta drenta inmediatamente na vigor.
Email this Article
Printer-friendly version
Post new comment