Minister Jacinta Constancia di Salubridat Públiko ta keda partidario di un kolaborashon ku Slotervaart Ziekenhuis na Amsterdam i presidente di direktiva dje hospital, Aysel Erbudak.

Na 1996 a kondená Erbudak dos be: pa provokashon di un intento pa ekstorshon i pa reglamentu di matrimonionan fiktisio. Na 2000 a sigui un di tres kondena – e biaha akí pasobra el a kometé froude ku su  agensia di empleo i pone ílegalnan na trabou.

Minister Constancia ke ouditá sektor di kuido na Kòrsou den kooperashon ku Slotervaartziekenhuis.

‘Ni un palabra negativo’
Djaluna Constancia a bisa den prensa ku e no a tende ‘ni un palabra negativo’ tokante di Erbudak. Ta straña e mandatario ku ta duda den konfiabilidat di e presidente di direktiva di Hulanda.
“E tambe ta aktivo den sektor di kuido pa gobièrnu Hulandes i esun di Aruba. Kon esei por ta posibel si tabatin un problema kuné?”

Konsiderashonnan finansiero
Constancia ta deskartá e idea ku Erbudak tin interes pa sektor di kuido na Kòrsou únikamente pa motibunan finansiero.

“Hasi negoshi lo no ta na òrdu den e asuntu akí; ta bai pa formulá un protokòl pa e sektor di kuido den su totalidat, na benefisio di henter pueblo.”