Presidente Hugo Chávez di Benesuela ke paga pa Sürnam, ku ke siña idioma spañó. Benesuela a duna di konosé ku e regalo akí ta pa fomentá integrashon di paisnan suramerikano i pa estrechá lasonan ku Sürnam.

Tin lugá pa mas o ménos doshen hende, ku ke sigui kurso na e instituto benesolano pa Koperashon Kultural na Paramaribo. E diario sürnam De Ware Tijd a informá ayera ku tin hopi ánimo pa e kursonan.

Tur kursista ta disponé di material di instrukshon ku potrèt di Chávez riba dje i ku e lema: Que siga el entusiasmo! Queremos la paz (mester dal bai ku e entusiasmo, nos ke pas). Promé ku esaki e kurso di spañó tabata kosta 50 dòler sürnam ( band'i 12 euro) pa 24 lès. (ANP)