Boneiru tin un tesoro na rikesa kultural. E isla ta mas ku sambuyá, wak flamingo òf sansaña polítiko so. Esaki ta opinion di Wilna Groenenboom, ku a skibi un buki tokante kultura di e isla: Dokumento Bonèiru.

E buki ku ilustrashon bunita ta diskribí kultura i bida di tur dia na Bonèiru. Tur kos for di nasementu te morto ta aparesé. Tin basta buki ku ta trata di naturalesa di e isla, Groenenboom ta haña. E buki aki ta trata di hende i nan relashon ku e isla."

Maskarada
Tambe ta deskribí kustumbernan típikamente bonerianu, manera Maskarada. Groenenboom: "Esaki ta un festividat kultural importante ku disfras koló bibu, kaminda hende ta bisti un maskarada di tuil i un tipo di korona. E grupo ta pasa seka gezaghèber i ofisina di gobièrnu. Un buriku, un tribon i un toro ta hunga un ròl importante. Pa gradisí nan pa nan presentashon e hendenan disfrasá ta haña un bòter di ròm seka públiko."

Intenshon di e buki ta espesialmente pa habri wowo di habitante i mandatario di Bonèiru. "Mi ta spera ku nan ta realisá kon bunita i úniko nan isla ta. Si bo bai tuma desishon riba futuro di e isla wak bon kiko bo tin. Mester trata mas tantu posibel pa konservá e karakter úniko di e isla."

A presentá Dokumentu Boneiru dia 6 di yüli na minister plenipotensiario suplente Mavis Brooks-Salmon. Dia 9 di ougùstùs gezaghèber di Boneiru Glenn Thodé lo risibí e promé ehemplar.