Djasabra, 8 di yanüari lo tene un enkuentro konmemorativo den Stadsschouwburg di Amsterdam na onor di Bobby Farrell, figura di proa di Boney M., ku a fayesé resientemente. Promé ku entiero lo duna último tributo na e difuntu ku un rekorida na e siudat, ku Farrell den shèrs, asina su famia a partisipá.

Famia, amigu i afishonadonan lo bai ta presente na Amsterdam, meskos ku koleganan di e difuntu, e integrantenan femenino di banda musikal Boney M. Nan lo duna un presentashon huntu ku otro figuranan estelar di mundu farandulero musikal, ku a yega di traha ku Farrell.
 
Públiko ta bon biní for di 11 or di mainta, miéntras ku lo klousurá e seremonia 14 or di mèrdia. Despues lo dera Farrell (di Aruba) na santana Zorgvlied.
 
(ANP)