Rotònde di Brievengat pegá ku supermerkado Bon Biní parse e parti ku mas tantu bandera riba henter e isla. Tin sinku partido ku a pega nan bandera na tur palu di lus, ta manera ta fiesta tin. Pero Brievengat ta espesialmente e bastion di Pueblo Soberano kaminda un den kuater votadó a vota pa e partido aki nan 2012.
Elekshon di Staten 19 di òktober 2012
Den kuadro di elekshon binidero, den un bario kaminda un sierto partido tradishonalmente ta bon representá, habitante ta konta kiko nan lo vota na òktober.
Awe: Pueblo Soberano na Brievengat.
Si PS a traha bon komo partner den koalishon di e gobièrno saliente e no por bisa, pero p’e PS ta e úniko partido ku no ta konsistí di ‘hende ku ta yena nan sakunan’. E úniko punto di bista ku e no ta kompartí ku PS ta e asuntu di independensha. “Si polítikonan no tabata hòrta asina tantu lo por a usa e plaka ku ta bini di Hulanda mihó”, e ta pensa.
Nuta i Dien Chirino ta dos ruman muhé i nan ta kuida mucha ku ta pasa mèrdia na sentro di bario di Brievengat. Nan ta kana yega parti’ di mèrdia ku tas grandi i wea di kuminda den tur dos man, ku un dozèin i piko mucha ku ta bini e akohida di mèrdia nan tras.
Sentro di bario di Brievengat mester di un bon drechamentu. E mamanan di akohida último be a paga e drechamentu di nan mes plaka. Aktualmente nan tin hopi nesesidat di un wea di herebe aros grandi, pero nan no por keda paga tur kos nan mes. Den e bario algun kaya mester di un kapa di asfalt nobo urgentemente. Un polítiko di MAN a primintí esaki tambe pero nunka nada no a sosodé.
Si, e bario ta Pueblo Soberano i MFK, Dien ta splika. E sa sigur ku PS lo bai dilanti den elekshon di 19 di òktober. Di Wiels ta konosí ku e ta papia loke e ke; e ta trese su mensahé sin niun refinashon i hopi hende tin problema ku esaki. Dien nò: “El a pèrkurá pa hopi informashon ku ántes no tabata sali na kla haña atenshon di hopi hende.” Segun Dien i Nuta na Brievengat Wiels i PS ta bira mas i mas popular.
Email this Article
Printer-friendly version
Post new comment