Asina mes, shonnan!

Despues di basta tempu di ensayo riba wèpsait di Caribiana, porfin nos por brindábo un sait pará riba su mes pia i den nos dushi idioma Papiamentu.
Manera bo por ripará a someté Wereldomroep na un kambio radikal. E saitnan na diferente idioma ta karga mas lihé i e sekshonnan di oudio i di vidio ta mas aksesibel tambe. Nos ta spera sinseramente ku esaki lo oumentá e interaktividat.

Nos ta ofresébo notisia, artíkulo i rúbrika di fondo tokante Antia, Aruba, Sürnam, Hulanda i demas pais na mundu. Sürnam tin su propio sait: wereldomroep.nl/Suriname. Caribiana.nl lo sigui ofresé notisia di Antia i Aruba den idioma ulandes. Manera ta kustumber, mayoria di e informenan akí por lesa i tende na papiamentu tambe, ku e diferensha ku ta pone nan riba un sait apart. E direkshon ta: wereldomroep.nl/papiaments.

Próksimamente lo introdusí rúbrika nobo riba nos sait di Papiamentu, asina ta: keda pendiente!

Nos lo apresiá bo komentario. Ku bo remarke i komentario nos por sigui drecha i adaptá nos sait pa sirbíbo mió. Fabor pone bo reakshon i remarkenan bou di e página òf artíkulo di bo eskoho. Bo por manda nos un email tambe na .
 

Ku Twitter i Facebook, nos tampoko por keda atras. Bo por akudí na www.twitter.com/papiaments. Djòin nos riba Facebook i bira fan!

Nos ta spera ku tur kos ta na bo agrado. Gosa hopi lesando, mirando i skuchando lo último riba tereno di notisia i di tópikonan di aktualidat. No lubidá di duna bo komentario!

Saludo kordial,

Redakshon NAAS, sekshon Papiamentu