Den Bon Informá e siman aki e di dos spèshel tokante enseñansa. Den e dis dos parti aki nos ta papia tokante enseñasa avansá na Hulanda. Tur aña desena di studiante di parti karibense di Reino ta bini bin studia na Hulanda. Ta bin siguí entre otro estudio di lei na universidat, estudio pa bira dosente di skol o enfermeria.

Pero kon ta bai ku e studiantenan aki? Nan ta logra? Of ta asina ku gran parti ta para nan estudio pasombra nan no por kumplí  ku eksigensianan di nan estudio? E enseñansa ku nan a haña na nan isla natal ta duna nan sufisiente ekipahe pa por siguí ku un estudio na Hulanda?

Na palabra Nicole Sordjo, studiante boneriano ku ta den su promé aña di estudio di pedagogia na Hogeschool di Amsterdam i Tanishah Craigg, rubiano ku ta kabando su estudio Media, Informatie en Communicatie na Hogeschool di Amsterdam. I Valda Lancelot, guia di studiante di Stichting Studiefinanciering Curacao, SSC na Hulanda.

Tanishah Craigg ta konsehá hóbennan ku ke bin studia Hulanda pa nan kambia nan aktitut promé ku nan bin Hulanda. Nicole Sordjo ta bisa 'pensa bo bon si bo ke bin Hulanda'.

Debate tokante enseñansa bou di guia di Leila Wijnhoven-Constancia