E kurpa sin bida di Bobby Farrell ta yega Hulanda djaluna. Esei su mènedger John Seine a anunsiá. Kousa di morto di Farrell ta problema di kurason. Asina resultado di autopsia ta bisa. Farrell tabatatin problema ku su preshon. E tabata biba na Hulanda. Sigur ta ku lo deré na Hulanda, pero e dia no ta konosi ainda.

Bobby Farell e figura di proa di e grupo Boney M, nasé na Aruba, a fayesé siman pasá djaweps na edat di 61 aña den un kamber di hotèl na Rusia.

Farrell tabata kantante i dj. Na 1976 el a djòin e grupo aleman Boney M. E grupo tabata konsistí di tres kantante femenino.

Boney M. tabata konosí rònt mundu pa nan hitnan 'Sunny', 'Ma Baker' i 'Rivers of Babylon'. Farrell mes no tabata kanta e piesanan. E bos maskulino ku por a tende den e kantikanan tabata di e produktor aleman Frank Farian.