E bishita di trabou di 16 te 22 di aprel ku sekretario di estado Ank Bijleveld lo a hasi na Antia, no ta sigui definitivamente. Motibu di esaki ta e prohibishon pa bula den espasio aéreo na Oropa parti Wèst, inkluyendo Hulanda pues. E prohibishon ta debí na e nubia di shinishi ku a surgi despues di erupshon di un volkan na Islandia. Representashon di Hulanda na Antia a informá di kanselamentu di bishita di Bijleveld.

Despues di tratamentu di Leinan di Reino den parlamento hulandes, hopi polítiko antiano tambe a keda pegá na Hulanda, ta pesei e reunion gubernamental ku tabata planeá lo tuma lugá awor na Den Haag. o Promé minister Emily de Jongh-Elhage, minister Ersilia De Lannooy di Finansa, diputado Zita Jesus Leito di Kòrsou i diputado William Marlin di Sint Maarten ta algun di e polítikonan ku no por a biaha bai Antia bèk. 

A posponé e reunion gubernamental ku Boneiru tokante kon regla tarea i outpridat di e isla komo parti di Hulanda, te na momento ku fiha un fecha nobo pa esei. Despues ku tur kos a para pa lunanan, Bijleveld i diputado Jopie Abraham lo a firma un akuerdo na Kralendijk ku lo mester a normalisá e relashonnan atrobe.

Klousura di konferensha 'Muhenen Fuerte' sí ta tuma lugá djaluna 19 di aprel ounke bários muhé fuerte lo no por tei presente.