Sekretario di estado di Relashonnan den Rèino Ank Bijleveld ke organisá simposio den henter rèino kaminda tur tipo di grupo di hende lo okupá nan mes ku e pregunta: Kiko e islanan/paisnan di rèino tin komun ku otro?

"Durante e simposionan akí mester palabrá kiko nos ke hasi huntu ora ku e renobashon estatal ta kla. Ki laso nos ta sinti ku otro?", asina Bijleveld a puntra na Aruba. "Durante mi bishita na Weganan di Rèino i na Saba i Statia siman pasá, mi a bolbe mira ku ta importante pa eksperienshá deporte i kultura huntu. Ku ei tin mas ku un laso istóriko so. Mester duna atenshon na e balor agregá akí.

E sekretario di estado ke pa por ehèmpel sientífiko, grandi i hóben diskutí ku otro riba e lasonan den rèino. "Esaki mester transformá e ora ei den maneho. Mi ta spera ku mentenan independiente por realisá esaki eksternamente."

Bon gobernashon
Bijleveld tin fe sí  ku Hulanda por hasi e investigashon anunsiá enkuanto kalidat di gobernashon i  di situashon di estado di derecho na Aruba, ku koperashon di e isla. Durante su bishita na Aruba el a deliberá riba esaki ku vários ámtenar i polítiko.