Parke Tropikal na Kòrsou ta trahando riba último fase di un masterplan pa restrukturá dierentuin kompletamente. Tantu e infrastruktura di Parke Tropikal i Kabouterbos komo e kantidat di animal i e naturalesa den e área segun e plan lo haña un trato kompleto. Den wikènt di 9 i 10 di yüni tabatin dia habrí den Parke Tropikal.

E direktiva nobo a presentá na públiko. Parke tropikal den e tempu binidero ta trata di atrae kompania ku ke ‘adoptá’ partinan di e parke ku finansa, segun manager nobo di e parke Hubert Isenia. “Nos ke pa dierentuin keda gratis pa públiko. Pero esei ke men ku nos mester haña donashon pa manehá e parke.”

E siman aki dierentuin a haña bishita di Philip Merryweather, doño di e dierentuin arubano Philip Animal Garden Aruba. El a regalá Parke tropikal dos mini potbelly pigs i dos kabritu chikí. E regalo ta komienso di un koperashon bon entre e dos dierentuinnan.

Ún animal den e parke a haña hopi atenshon e wikènt aki, e python Mario! Isenia i Merryweather a konta tokante di e animal i e muchanan i adultonan presente por a hasi pregunta i karisiá Mario. E kolebra ku ta choka ta midi kasi kuater meter i ta pisa mas o ménos kuarenta kilo.