Benesuela a kumpra misil di korto distansha serka Rusia Pronto lo entregá e promé nan. Presidente Hugo Chávez a bisa e kos akí djabièrnè último, 11 di sèptèmber. E misilnan por kubri un distansha di 300 kilometer.

Beneszuela ta negoshando ainda riba shen tanki di guera tipo T-72 i T-90 di Moskú. E pais surmaerikano ta den un krísis diplomátiko ku pais bisiña Kolombia, kaminda presidente merikanu Barack Obama ke stashoná 800 militar. Sobretodo e kabesantenan iskierdista di Benesuela, Ekuador i Bolivia ta fuertemente kontra e intenshon di Obama i ta papia di imperialismo.
 

Kolombia ta bisa ku e trupanan merikanu ta nesesario pa kombatí narkokriminal i rebelde iskierdista ku ta gana sèn ku kontrabanda di droga. Chávez a bisa ku e plan di seguridat kolombiano-merikanu ta oumentá riesgo di un guera na Suramérika.