Na sabana di Hato, banda di San Pedro na Korsou djamars tabatin un bashamentu ilegal di restu pisá di demolishon di konstrukshon. A basha mas o ménos 24 karga di trùk di 10 tòn pa riba un distansha di 50 meter den naturalesa banda di Plasticbaai.

Un testigu a mira e mesun trùk kore bai i bini diferente biaha i a nota e number i e nòmber di e kompania di e trùk i a pasa e informashon pa polis di medio ambiente di SKS.

Mirando e material – resto grandi di beton ku hopi heru – e shushi mester ta bini di e mulinanan di bientu ku a basha abou na Tera Kòrá. E trùk ku e testigu a mira ta di e kompania ku ta bai ku e restunan di demolishon di einan.

Polis di medio ambiente ta konfirmá e denunsio i a tuma kontakto ku e kompania konserní. Esaki a laga sa ku a basha e piedanan pa krea un ‘dam’ pa e bakanan ku ta kana lòs riba tereno di San Pedro.

SKS a traha prosès verbal i a manda e dunadó di enkargo kita e restonan di demolishon