Minister Edith Schippers di Salubridat Públiko pronto lo duna un pèrmit pa aborto na hòspital Fundashon Mariadal na Boneiru. Poko tempu pasá e hòspital a pidi e pèrmit.

Esaki e minister a anunsiá djabièrnè mèrdia na fin di su bishita na islanan BES. E hòspital na Boneiru lo ehekutá aborto pa pashènt di Saba i Sint Eustatius tambe.

Intervenshon médiko
Legislashon hulandes di aborto ta na vigor for di 10 di òktober 2011, pero te awor no tabatin niun klínika ku ker a hasi e intervenshon médiko aki. Pa e intervenshon lo tin un interkambio ku Hulanda.

“Kasi mitar di tur embaraso aki ta terminá ku un aborto”, Schippers ta laga sa. “Ke men no ta algu ku nos ke fòrsa, aki esaki ta hopi nesesario. Ta p’esei mi ta kontentu ku e hòspital aki a ker a saka su garganta.

Huntu ku e dunamentu di pèrmit, ministerio lo start un kampaña di konsientisashon tambe, pa konvensé hende hóben ku aborto no ta un kontraseptivo. “Esaki ta nesesario pasobra kos no por sigui asina”. Schippers ta bisa. “E kantidat di aborto ilegal ta muchu haltu.”