AVP (Arubaanse Volkspartij) ta bira e partido di mas grandi den parlamentu di Aruba. E Partido di Mike Eman ta haña e mayoria apsoluto den Staten.

E viktoria di AVP ta un kambio enorme den polítika arubano. Movimiento Electoral di Pueblo (MEP) ku tabatin un mayoria den parlamentu por a goberná e isla pa ocho aña largu sin un partner di koalishon.
 

Niun koalishon
Pa promé biá AVP por pone man na obra sin partidonan di koalishon. E partido a logra 12 asiento. E tabatin ocho asiento. MEP tabatin un mayoria di diesun asiento i mester konformá su mes ku ocho. Tantu lider di MEP ku ta e aktual promé minister Nelson Oduber, komo lider di AVP Mike Eman a bisa adelantá ku nan ta sinti nada pa forma un gobièrnu di koalishon.
 

"Despues di ocho aña a yega e momentu pa pueblo bolbe haña un gobièrnu", asina Eman a bisa durante su diskurso di viktoria. Den e ocho aña ei MEP a tira prinsipalmente plaka afó i a usa esei pa privilegiá amigunan i famia 'a kosto di invershon den enseñansa, infrastuktura i un bon reda sosial' asina e ta aklará su ekspreshon ora a puntr'é.
 

Relashon ku pueblo
E viktoria ta segun Eman konsekuensha dje empeño di AVP pa ta mas serka dje poblashon i papia k'e poblashon. "Nos a edifiká un relashon." E úniko dje seis otro partidonan ku a partisipá na elekshon ku ta sigur di un asiento ta Democracia Real ku tin te awor un asiento. Eman ke studia si por traha huntu: PDR no ta parse mi un partner natural di MEP pa ta den oposishon."
 

Promé kos ku e gobièrnu nobo ta bai hasi ta mehorá e forsa di kompra dje poblashon arubano, asina e lider di AVP a bisa. Lo abolí p'e motibu ei e impuesto di benta (BBO). "Ya gobièrnu no ta karga pueblo kada bes ku tur peso, pero tei pa duna sosten."
 

Kambio
E resultadonan malu ta pa e partidonan chikí un sorpresa, pasobra tabata mustra sigur ku tambe MPA i RED por a haña un te dos asiento. Pero ta parse ku nan ta netamente pèrdè nan asiento. Lider di PDR Andin Bikker tambe ta poko desapuntá dje resultado. El a konta riba tres asiento. Pero e ta kontentu tambe ku a vota kontra e gobièrnu di MEP: "Pa e motibu ei nos a lanta PDR sinku aña pasá. Lo bin kambio." Den Staten lo e vigilá pa AVP ehekutá esaki berdaderamente."
 

Lider di RED Rudy Lampe ta desapuntá; el lo a fèrwagt e derota. E ta haña ku ta muchu tempran pa analisá loke a pasa. E ta aploudí e derota di MEP, pero e no ta komprondé kompletamente dikon poblashon a skohe pa e otro partido tradishonal: "Ta bai den direkshon di un sistema di dos partido."
 

MEP
E derota a kai duru den seno di MEP. Lider di partido i promé minister Nelson Oduber no kier a papia ku niun hende.
 

Skucha un relato di René Roodheuvel i Jos de Roo