Antuba (Antillen Aruba) ta un organisashon ku ta duna guia na studiantenan Antiano i Arubano di Hogeschool Rotterdam. Rotterdam ta un suidat kaminda tur aña hopi studiante for di Antias i Aruba ta bai studia.

Skibí pa Johan Oldenboom

Na aña 2003 a lanta e organisahshon akí ku e meta pa guia studiantenan Antiano i Arubano. 'Imporante ta pa laga un studiante sintié na kas akinan...', segun Sennon Kastaneer, coach prinsipal. Antuba ta kere ku nan guia tin mas efekto na momentu ku un studiante ta sinti su mes na kas.

Segun Nathan Malbert, Antuba ta enkurashá e studiantenan pa nan mes solushoná nan problema. Den e parti akí Antuba ta duna su guia. Finalmente e studiante ta haña satisfakshon ku ta e mes a logra solushoná su problema.

Segun Sharizelle Schoop, coach pa Antuba, ta importante pa un studiante ku bin for di Antias i Aruba haña guia di personanan ku konosé e kultura. Esaki debí na e 'cultuurshock' ku e studiantenan ta haña nan ku ne na momentu ku nan yega Hulanda.

Pa dos aña kaba Antuba ta aktivo, no na Hulanda so pero na Antias tambe. Aya nan ta prepará studiantenan promé ku nan subi avion rumbo pa Hulanda.