Lady Dj Pòpchi i Dj Jay M, a krea un ambiente antiano durante selebrashon di karnaval na Schaijk, Brabant. Den un sala ku hende disfrasá na entreotro pirata i indjan, e dos DJ-nan antiano a laga bachata, merengue, i Tumba di Karnaval 2010 resoná. E fiesta a tuma lugá na Havana, un klup nobo.

Por lo general Lady DJ Pòpchi ta kustumá di organisá fiesta. El a ripará a ku awor ku Hulandesnan ta bayendo lès di salsa, e por toka tur sorto di müzik latino. Tin biaha asta nan ta aserká Pòpchi ku petishon pa un piesa. Pero segun Popchi djis e mira nan kana yega, ya e sa kaba kiko nan ke skucha.

DJ Jay M a yega di toka krioyo mas biaha huntu ku Lady DJ Pòchi durante karnaval hulandes. E ta haña ku den tempu di Karnaval no por laga e fiesta pasa bai sin toka muzik krioyo. Jay M ta haña ku e i Pòpchi ta all-round. El a apresiá ku tur hende a bini disfrasá.

Pintor Winpor di Otrabanda tambe tabata den e públiko presente. Den pasado el a yega di 'hos' ku Hulandes den nan Karnaval. Pero awendia e ta laga su kurason disidí i ta pesei el a akudí n'e fiesta di karnaval hulandes ku toke krioyo. '