Angelo Pardo a kompetí na e konkurso di baile yamá: 'So you think you can dance'. El a sali di dos finalista. Pardo ta un hóben antiano prometedor.  Na Hulanda i Antia hopi ta haña ku e ta ganadó pasobra e ta e úniko Hulandes Antiano ku a logra un puesto den final. Otro aña e ke muda pa Los Angeles pa sigui ku su karera komo bailadó.

Durante nuebe siman nos por a disfrutá di Angelo bailando diferente estilo riba pista di baile na televishon. Su kontrinkantenan tabata belga. Den un final ku hopi suspenso i un shou espektakular, el a bira number dos. Despues di e kompetensia e tabata hopi kansá. El a sosegá hopi. Awor e tin un mènedjer. Huntu nan ta organisando un 'Workshop Tour'.  Ku e tour Angelo ke duna lès na grandi i chikí.

Los Angeles
Angelo tin plannan grandi pa 2010. Promé e ta bai Merka na mart pa regla papel i buska un mènedjer. Fin di otro aña e ke muda definitivamente pa Los Angeles, e sentro di baile di Merka.