Alóktononan studiá apénas ta integrá mió ku esnan ménos siñá, ku tambe ta bin djafó. Ta resultá ku e deseo pa kasa ku Hulandes outóktono no ta muchu mas fuerte tampoko seka alóktonoan studiá. Esaki ta loke Jochem Tolsma, sosiólogo na Radboud Universiteit Nijmegen a plantia den un tésis tokante toleransha étniko.
 

E sosiólogo a investigá entre otro efekto di formashon riba grado di integrashon kultural. Turko i Marokano studiá di e di dos generashon te ainda no ta inkliná na kasa ku un Hulandes outóktono. Esaki ta konta algu ménos pa Sürnam i Antiano, asina Tolsma a deskubrí.

E investigadó ta buska e kousa entre otro den e tipo di diskriminashon, ku ta eksistí hopi tempu kaba. ,,Alóktononan studiá no ta eksperenshá ménos diskriminashon. Nan no tin mas kontakto positivo ku Hulandes outóktono tampoko. Integrashon te ainda no ta bin di dos banda'', asina Tolsma ta bisa.

E sientífiko a konstatá tambe ku Hulandesnan outóktono studiá tin ménos problema ku matrimonio ku personanan di orígen strañero. Nan ta pasa e aktitut akí tambe pa nan yunan. Sí t'asina ku alóktononan k'a studia ta identifiká nan mes mas ku Hulanda kompará ku esnan di ménos formashon. Tolsma: "Nan ta leal na Hulanda, pero no nesesariamente loko ku Hulandes."
 

E sosiólogo ta doktorá dia 28 di sèptèmber na Radboud Universiteit na Nijmegen.