Porfin a mira e konosido Boeing VC-25, Air Force One na aeropuerto Hato. Servisio di informashon di gobièrnu a bisa ku un kantidat di avion di gobièrnu merikano lo baha na aeropuerto di Kòrsou e wikènt aki.

Presidente Obama i Secretary of State Hillary Clinton e dianan aki ta tuma parti na Summit of the Americas na Cartagena de Indias, Colombia.

Entretantu nan avionnan i support-crew logístiko ta keda na Kòrsou; un eskoho lógiko mirando e proksimidat geográfiko di Cartagena de Indias i e fasilidatnan presente na i rondo di e aeropuerto. Manera ta konosí merikanonan tin nan propio base militar aereo riba tereno di Hato.

No ta konosí ki dia Air Force One ta sali Kòrsou atrobe.E avion Boeing VC-25 solamente yama Air Force One si presidente ta na bordo. Pero en general ta asina ta yama e avionnan. Si ta visepresidente ta na bordo e callsign ta Air Force Two.

Presidente Obama i Secretary of State Clinton mes lo no pasa Kòrsou.

Wereldomroep a manda fotógrafo Bea Moedt den laria pa saka potrèt di e avionnan: