Ahinda Saba tin pasenshi ku gobièrnu hulandes pa loke ta trata interpretashon di e statùs: entidat públiko. Segun miembro di Konseho Insular Carl Buncamper, sabanonan ta realisá nan mes ku e isla ta den un proseso. Nan ta preokupá pero ta mira tambe ku e statùs nobo ta trese adelanto.

Buncamper no ke duna komentario riba e ala di protesta ku ta tumando lugá na Bonaire i Sint-Eustatius: "Mi no ta biba den e komunidatnan ei." Pero poko poko Saba ta komprondiendo sierto leinan pasombra adelanto ta bisto. Miedu pa kambio ta bahando.

E miembro di Konseho Insular sa di propio eksperiensia ku awor sí mandamentu di pashènt pa tratamentu den eksterior ta kana bon. E mes ta'tin ku keda interná na aprel i a pasa den henter e proseso. "E servisio na Colombia ta di un nivel haltu." Por mas miho pero e ta kana bon sí. Buncamper su preferensia ta keda un isla di habla ingles por ehèmpel Sint-Maarten of un otro isla den region di Karibe.

Dualismo
Durante bishita di Eilandsraad di Saba na Hulanda, nan a papia tambe ku Union di Munisipionan Hulandes (VNG). Tambe nan a bishitá munisipionan chikí manera Hattem, Renswoude i Texel pa mira djaserka kon dualismo ta funshoná, esta e separashon entre gobernashon i konseho. Buncamper a haña e serie di bishita ei sumamente útil.