E investigashon tokante Hulanda su historia di esklabitut definitivamente no ta haña plaka mas di gobièrnu hulandes. Promé ku e konmemorashon di abolishon di esklabitut direktiva di e instituto NiNsee tabatin speransa ku promé minister Rutte lo a bin ku un regalo pa e instituo. Pero Keti Koti tambe a pasa sin ningun promesa.

"Tur aña e dia aki hopi ansioso", asina Eddy Campbell, presindete di NiNsee ta bisa masha trankil promé ku e sermeonia kuminsa den Oosterpark na Amsterdam djudumingu mèrdia. Campbell tabatin un tiki speransa ku promé minister Rutte lo a bin ku un sorpresa agradable . Pero no a dura muchu pa e ripara ku esei no tabata e kaso. "Nunka mi no ta kana ku regalo den e sirkumstanshanan ekonómiko difisil aki", asina Rutte ta bisa. E ta enfantisá si e importansha di e konmemorashon: "Tur hende ta rekonose esaki i niun hende no tin duda den esaki."

Responsabilidat konhuntu
Mester adaptá e tradishon hóben di konmemorá e pasado di esklabitut na sirkumstanshanan nobo, segun Rutte. E no ta partidario di supsidio pa institutonan. Rutte ta haña ku NiNsee mester buska otro fondo di finansiamentu. Un responsabilidat komun no ta nifiká outomátikamente ku mester duna plaka tambe. Pa e konmemorashon di 150 aña di abolishon di esklabitut na 2013 mester por bin un supsidio. "Riba esaki nos ke pensa huntu ku otronan."

"Señor Rutte ta hasi nos kurason doló", asina un señora ta bisa ku ta presente den Oosterpark kaminda e seremonia di konmeorashon ta tuma luga. "Nos tin ku ekonomisá, pero nan no ta ekonomisá." Nunka no tabatin atenshon pa e historia di Sürnam i e historia kolonial. E hulandesnan no konose nos historia." Pero tin hende ku ta pensa otro tambe. "NiNsee a haña diferente chèns pero e no a huza esakinan bon."

Despensa
Presidente Glenn Helberg di OCaN ta kontentu ku Rutte ta papia di un pasado komun. Pero e no ta satisfecho: "mi ke sa kiko rekonose kemn esaktamente. Actions speek louder than words." Helberg ta boga pa lareina pidi dispensa, durante konmemorashon di 150 aña di abolishon di esklabitut otro aña. A bira tempu pa Hulanda bisa ku e tin duele di e kosnan malu ku hulandesnan a hasi kontra humanidat: "Internashonalmente esei ta sosodé." Kisas e konmemorashon mester tuma luga otro aña riba Dam na Amsterdam, asina Helberg ta añadí.