Den último tres aña a konservá i archivá material importante di Segundo Guera Mundial, inkluso e herensha ku tin di aber ku e ròl di sürnam i antiano den guera. Djaweps, 16 di sèptèmber a klousurá e programa titulá 'Erfgoed van de Oorlog' den presensia di prens Willem-Alexander.

A entrevistá testigunan okular i a digitalisá ophetonan palpabel prosedente di kolekshonnan privá. Mènedjer di programa, señora Ellen van den Waerden kier a duna un públiko amplio akseso na e material patrimonial akí. "E programa a kuminsá na 2007. Hopi hende dje generashonnan béliko ta bai laga nos i gustosamente nos kier dokumentá nan istorianan pa nan no kai den olvido."

 
'De West' den guera
Fuera djesei a paga atenshon spesífikamente na kontribushon di antiano, arubano i sürnamnan. (habitantenan karibense dje teritorio kolonial ulandes dje tempu ei na oksidente di mundu, mió konosí komo 'De West'- nota di red). 
"Nos a traha un webguide yamá oorlogindewest.nl, ku mester buta ònlain ainda. Den e guia digital ei tur hende por buska material di temp'i guera ku a sobra, i ku tin di aber ku Segundo Guera Mundial na Sürnam i Antia ulandes. Nunka promé no a yega di kolektá e tipo di material akí sistemátikamente."
 
Ademas di esaki a traha dos dokumentario. Unu ta tokante Sürnam den Di Dos Guera Mundial i e papel ku e pais a hunga. E otro ta trata e ròl di Antia ulandes den e mes guera. Van den Waerden: "Esei no tabata irelevante."