Mester bini un lei di Reino supervishon servisionan de seguridat. Esaki hurista Renée van Aller i John de Vries, èks hefe di servisio di seguridat rubiano, ta bisa: “E problemanan resien ku Servisio di Seguridat di Kòrsou (VDC), ta eksihií mekanismo ku ta pèrkurá pa kòntròl i transparensia demokrátiko di VDC.”

For di tempu ku gobièrnu Schotte a kuminsá na òktober 2010, VDC ta bruá. Asina a lèk dokumento sekreto pa media i a pone e direktor riba nòn-aktif. Ta pesei awor un tim di krísis ta bai investigá e servisio ku ayudo di servisio di informashon di Hulanda, AIVD.

Lo sera e servisio tres luna. Ademas lo bini un enkuesta parlamentario tokante funshonamentu di Servisio di Seguridat Antia (VNA) i e aktual Servisio di Seguridat Kòrsou.

Aruba
E krisis di Servisio di Seguridat no ta nobo den Reino. Na 1996 problema na Servisio di Seguridat Aruba(VDA) a kousa gobièrnu di Hulanda pa intervení.

De Vries: “Na 1996 a kita hefe di VDA. Tabata investigá muchu profundo na Aruba. Konekshonnan polítiko no deseabel tabatin chèns di sali na kla. Gobièrnu di Reino hulandes a intervení i via un Koninklijk Besluit VDA a bin kai direktamente bou di maneho hulandes. Na mes momento Marine a sigurá e failnan relevante, i a kore manda e hefe di e servisio i su famia Hulanda bèk”, De Vries ta bisa.

BVD (predesesor di AIVD) a tuma mando di VDA. Na 1996 a remplasá kumbre di polis arubano i a yama PG hulandes bèk pa Hulanda. “Ku servisio di informashon militar hulandes (MID) a sera un tratado di koperashon”, segun Van Aller. “A remplasá maneho di VDA. Sosten hulandes a keda eksistí strukturalmente.”

“Pero introdukshon general di e Manual nobo di investigashon di integridat di AIVD ku a saka na 2004 a keda sin bini”, Van Aller ta bisa. E Manual aki lo a usa na Aruba tambe pa entre otro saka na kla e vulnerabilidat di integridat seka servisionan di gobièrnu. Despues di un inventarisashon tentativo seka algun servisio di gobièrnu rubiano, no a sigui ku implementashon di e manual. I esaki a keda mas o menos meskos.”

Hopi leu
Tur dos ta bisa ku ta bai hopi leu ku gobièrnu di Kòrsou awo ta kulpa VDC di un kòmplòt pa tumba gobièrnu. Esaki ta sosodiendo ku un purá bruá. E arte di bir’akí bir’ayá ta eksihí un kòmpas moral hopi presis, manera a sali den e diskurso den Staten di prome minister Scotte riba 4 di mei 2012 tokante VDC”, Van Aller ta bisa.

“Anualmente VDC i otro servisionan di seguridat den Karibe, meskos ku na Hulanda lo mester publiká relato anual” Van Aller ta bisa. “Solamente raportá na komishonnan di supervishon ku na nan turno ta raportá na Staten no ta sufisiente. Aktualmente e relatonan anual no ta obligatorio, pero por regla esaki via un landsverordening òf via un di e leinan ei di Reino nobo.”

‘Pa skrin futuro minister mester skibi un protokòl kon trata den kaso asina. Pa funshon di konfiansa i di seguridat tambe semper mester hasi e investigashonnan di seguridat proskribí.” Segun Van Aller i De Vries tin un retraso grandi seka e diferente servisionan di seguridat pa loke ta investigashon di integridat i seguridat.