Kòrsou tambe a aportá na e viktoria di aliadonan den di Dos Guera Mundial. Anto en grande: 75 porshento di tur petroli pa e merikano-, britániko- i rusonan a bini di e refinerianan di Aruba i di Kòrsou. Aparte di esei Aruba i Kòrsou a provee hende – entre otro den schutterij – pa batayá.
Aruba ta honra su heroenan di guera tur aña. Pero na Kòrsou un konmemorashon asina no ta biba mashá. Poko hende sa mes ku nos a konosé un suseso naval di e índole di Pearl Harbour envolviendo e barku di guera USS Erie. I ku pa kolmo asta tin un monumento na Nieuwe Haven pa rekordá e insidente di guera akí – pero e monumento ei mes tambe ta deskuidá i lubidá.
Chines
Mayor Allan van der Ree i historiadó Gedion Isena ta hasi esfuerso pa Kòrsou – i sigur su hobennan – ta konsiente di loke e isla a nifiká pa paz i libertat mundial. I ku hendenan djakí – i índirektamente binti chines tambe – a duna nan bida den un konflikto humano pa fasilitá nos bienestar.
Van der Ree i Isena ta konvensí ku apresio pa, i reflekshon riba nos lugá den historia di guera mundial lo yuda nos pa evitá pleitamentu awendia. Ademas nos lo tin mas motibu di ta orguyoso di nos pasado i di nos identidat.
Email this Article
Printer-friendly version
quote "Mayor Allan van der Ree i historiadó Gedion Isena ta hasi esfuerso pa Kòrsou – i sigur su hobennan – ta konsiente di loke e isla a nifiká pa paz i libertat mundial. I ku hendenan djakí – i índirektamente binti chines tambe – a duna nan bida den un konflikto humano pa fasilitá nos bienestar."
ShARLON, ESAKI TA LOKE NOS TA YAMA BLANKEAMENTU DI HETJOSNAN KU A OKURI DEN SEGUNDA GUERA MUNDIAL AKI NA KORSOU KAMINDA A SERA UN KANTIDAT DI CHINES KENDENAN NO KIER A NABEGA DESPUES KU 4 BARKU A SER TORPEDEA I MANDA FONDO DI LAMAN SALIENDO FOR DI E PUERTO DI KORSOU KARGA KU KUMBUSTIBEL PA ALIADONAN. PA MI TA KORTO HUNTU KU E CHINESNAN AKI TAMBE E OFISIALNAN HULANDES A WELGA I NO KIER A SUBI LAMAN. BISA NOS HOBENNAN KU E CHINESNAN A DUNA NAN BIDA PA NOS BIENESTAR TA BERDAT PERO OMITI DI BISA KU NAN A SER ASESINA DESPUES KU NAN PORTABOS A SER TIRA DEN E KAMPAMENTU KAMINDA NAN TABATA SERA DEN MIENTRAS E TABATA KU LOMBA PA E MILITARNAN HULANDES KENDENAN TABATA TIN E CHINESNAN AKI BOW DI NAN KIUDO, TA UN ABERASHON DI LOKUAL A SOSEDE. ORA BO TA SKIRBI UN ARTIKULO KAMINDA BO TA SKIRBI LOKWAL KU E MAYOR VAN DER REE A BISA ABO KOMO JOURNALISTA MESTER TA NA ALTURA DI E SUKSESO PA SKIRBI'E DI UN MANERA KAMINDA ESAKI NO TA BIBA UN BIDA BLANKEA. SHARON LOKWAL A TUMA LUGA TA UN GENOSIDIO KU AINDA MESTER SER AKLARA I MILITARNAN HULANDES POSTHUMO HANJA KULPABE. MI TA SPERA KU ORGANISADORNAN DI E KONMEMORASHON DI E DIA DI E KRIMEN AKI OTRO ANJA KOMBIDA E EMBAHADOR DI CHINA STASHONA NA CARACAS PA ATENDE E AKTO.
Post new comment