‘Hasi tur dia Dia di hende muhé.’ Hòmber antiano ta konsiente ku hende muhé meresé elogio i rèspèt. Relashoná ku selebrashon di Dia internashonal di hende muhé, a entrevistá algun hòmber antiano tokante importansha di hende muhé den nan bida. Tin apresio pa hende muhé komo mama, i komo hende ku bo por konta semper kuné. Dia Dios a krea hende muhé e kier a mustra mundu kon grandi su obra ta.

Muhénan mester paga tinu sí pa nan kuida nan mes bon, asina un homber ta remarká. El a papia di e asina yamá ‘viro di hende muhé’. Ku esei e ta referí na e echo ku hende muhé tin biaha ta hanyé den problema, pasó e ta kòrda semper riba otro hende i ta lubidá di kuida su mes tambe bon.

Rèspèt pa mama soltero
Un otro hòmber a bisa ku e tin rèspèt pa mamanan soltero. E kabayero en kestion a splika ku el a hañ’é ta lanta su dos yunan su so. E mener aki sa di eksperensha kon duru ta pa bo eduká dos yu bo so. Ku e eksperensha ku e tabatin el a haña mashá rèspèt pa situashon di mamanan soltero.

Na opinion di un otro kabayero hende muhé, kontrali na hende, hòmber sa mésora ki ora bo ta sinti fèrdrit. Nan ta wak esei na bo kara. Kada hende ku tin un mama mester por komprondé balor di hende muhé. Ta mamanan ta duna e yu kariño, nan ta karga famia i karga komunidat.

Skucha un reportahe di Romeo Hoost durante un konferensha na Den Haag tokante hende muhé