Region di Karibe tin masha tiki prioridat den maneho eksterior di gobièrnu hulandes. Esei profesor Ger Oostindie di Estudio Karibense ta konkluí a base dje 'Nota di Karibe' di Minister Maxime Verhagen di Asuntunan Eksterno. Sürnam si tin prioridat pa Verhagen.

Por sierto no ta hasi menshon di Sürnam den e nota pasó a trata e pais ei den un otro publikashon. Oostindie ta ferwaktu ku lo no tin masha sansaya ora trata 'Nota pa Karibe' djaweps, 4 di febrüari den parlamento hulandes.'* Tin masha poko kos pará aden ku por pone hende kunsumí.'

Segun Oostindie tin poko pais den Karibe ku problema realmente serio. 'Ta na Afrika i parti di Asia bo ta haña e tipo di pais ei.'

Minister Verhagen di Asuntunan Eksterno no ta duna komentario riba e paisnan ku sí tin motibu pa bisa algu di nan, manera Benesuela i Kuba', asina Oostindie ta komentá. 'E Nota no ta niun krenchi ambisioso. Esei ta kuadra ku prioridat polítiko pa otro kos.' Atenshon di Hulanda pa region di Karibe ta keda limitá prinsipalmente na su propio teritorio (Aruba i Antia) i Sürnam, segun e profesor.

Haiti
Su ekspektativa ta sí ku lo papia di Haiti, e úniko pais berdaderamente pober den e region. Den su publikashon Verhagen no tin masha atenshon pa e pais, pero despues di e temblor parlamento hulandes lo ke bisa algu sí di e pais', asina Oostindie ta opiná. 'Pero e ora ei bo ta papia di koperashon pa desaroyo'.

*E debate 'Nota di Karibe' a keda posponé. E no ta tumá lugá mas dia 4 di febrüari.